Choinnich Buidheann Thar-phàrtaidh na Gàidhlig, far a bheil Alasdair Allan BPA na chathraiche agus Bòrd na Gàidhlig nam buidheann rùnachais, air Diciadain ³⁰ Samhain 2022. Tha am buidheann ann airson taic a thoirt do Bhuill Pàrlamaid na h-Alba le bhith a’ tuigsinn na tha a’ dol air adhart a thaobh chùisean Gàidhlig agus mar a gheibh iad air cuideachadh. Bha Joy Dunlop, ar stiùiriche, an làthair a’ riochdachadh Sheachdain na Gàidhlig agus fhuair i cothrom an iomairt againn a thoirt gu luchd-èisteachd glè fharsaing, a’ dèanamh cinnteach gum bi fios aig a h-uile duine mu dheidhinn.