Maoin nan Tabhartas Beag
’S e Bòrd na Gàidhlig a tha a’ cur taic ri maoin nan tabhartasan beaga aig Seachdain na Gàidhlig, maoin a tha a’ toirt suas ri £500 do dhaoine fa leth, buidhnean coimhearsnachd agus buidhnean eile. Tha a’ mhaoin a’ cur taic ri gnìomhachdan rè Seachdain na Gàidhlig 2026 (23mh dhen Ghearran gun 1ad dhen Mhàrt) agus ri leasachadh is lìbhrigeadh de thachartasan coimhearsnachd a chomharraicheas a’ Ghàidhlig. ’S e ‘Cleachd i no caill i’ an cuspair againn ann an 2026 agus tha sinn a’ cumail sùil airson pròiseactan a fhreagras air a’ chuspair seo agus a bhrosnaicheas com-pàirteachas na coimhearsnachd tro mheadhan na Gàidhlig. Cinn-latha cudromach:
Cinn-latha cudromach:
- Stuireadh ri fhaotainn: Diciadain 24mh dhen t-Sultain 2025 (ri fhaotainn an seo)
- Tha fàilte ro thagraidhean o Dhiciadain 24mh dhen t-Sultain 2025 (ri fhaotainn an seo)
- Seisean fiosrachaidh air loidhne 1: Diciadain 8mh dhen Dàmhair 2025 (briog an seo airson àite a ghlèidheadh)
- Seisean fiosrachaidh air loidhne 2: Diardaoin 23mh dhen Dàmhair 2025 (briog an seo airson àite a ghlèidheadh)
- Latha dùnadh nan tagraidhean: Dihaoine 31mh dhen Dàmhair 2025
- Fios do thagraichean: Dihaoine 28mh dhen t-Samhain 2025
- Lainns a’ phrògraim: Am Faoilleach 2026
- Seachdain na Gàidhlig: 23mh dhen Ghearran – 1ad dhen Mhàrt 2026
- Aithisg Dheireannach airson Tagraichean Soirbheachail: ri chur a-steach ro Dihaoine 13mh dhen Mhàrt 2026
Mholamaid do neach sam bith a tha airson tagradh a chur thugainn an stiùireadh againn a leughadh an toiseach. Bheir e seachad làn-stiùireadh mun dòigh tagraidh againn agus innsidh e dhut gu mionaideach mar a sgrìobhas tu tagradh làidir.
Mar a chuirear tagradh a-steach:
Airson tagradh a chur gu maoin nan tabhartasan beaga:
Leugh an stiùireadh
– innsidh sin dhut dè na h-amasan a th’ aig a’ mhaoin, na tha sinn a’ sùileachadh ris ann an tagradh soirbheachail, agus mar a choileanas tu am foirm.
Coilean am foirm tagraidh
(ri fhaighinn on 24mh dhen t-Sultain 2024) – ’s urrainn dhut an t-adhartas a rinn thu san fhoirm a shàbhaladh agus tilleadh thuige uair sam bith ron cheann-ama.
Ma tha thu am beachd tagradh a chur thugainn, mholamaid dhut sùil a thoirt air na pròiseactan is tachartasan a rinn tagradh soirbheachail ann an 2025. Bidh beachd nas fheàrr agad an uair sinn air a leithid a thachartas a bheir sinn taic dha agus dh’fhaoidte gun dùisg iad beachd no dhà nad inntinn fhèin!
