Tha Seachdain na Gàidhlig ag amas air ìomhaigh na Gàidhlig a thogail tro iomairtean coimhearsnachd, pròiseactan agus tachartasan. Bheir i an cothrom do luchd-labhairt agus luchd-ionnsachaidh na Gàidhlig (agus daoine aig nach eil facal!) pàirt a ghabhail ann an dòigh a fhreagras orra fhèin; ann an Alba agus nas fhaide air falbh. ’S e ‘A’ Tighinn Còmhla’ an cuspair a th’ againn airson 2023 agus tha sinn a’ sireadh phrògraman/thachartasan far a bheil seo aig cridhe na cùise. ’S urrainn do dhuine sam bith pàirt a ghabhail agus / no tachartas a ruith – brùth air a’ phutan gu h-ìseal gus tachartas a chur dhan mhìosachan no cuir fios thugainn ma tha beachd agaibh.