Faigh Ar Cuairt-Litir
Airson an fhiosrachaidh agus nan naidheachdan as ùire
Seachdain na Gàidhlig
World Gaelic Week
Tha Seachdain na Gàidhlig air a cho-òrdanachadh le Hands Up for Trad, Àireamh Carthannas na h-Alba 035 190.
’S e iomairt chruinneil a th’ ann an Seachdain na Gàidhlig, gus cànan agus cultar na Gàidhlig a bhrosnachadh.
Air a stèidheachadh ann an 2022 agus air a maoineachadh le Bòrd na Gàidhlig, tha Seachdain na Gàidhlig a’ comharrachadh na Gàidhlig air feadh an t-saoghail agus a’ togail ìomhaigh na Gàidhlig tro iomairtean coimhearsnachd, co-obrachdh sgoiltean, agus phrògram de thachartasan tarraingeach.
Gabhaibh pàirt innte bhon 23mh Gearran – 1 Màrt 2026 gus 5 bliadhna de Sheachdain na Gàidhlig a chomharrachadh. Bidh prògram loma-làn againn, bho dhannsaichean is òraidean, gu bèicearachd is cuairtean.
Faodaidh duine sam bith pàirt a ghabhail no tachartas a chur air chois iad fhèin – tha an iomairt seo a’ toirt cothrom do luchd-labhairt na Gàidhlig is dhan fheadhainn aig nach eil i pàirt a ghabhail air dòigh a fhreagras orra fhèin. Ged is ann an Alba no thall thairis a tha thu – cuir fios thugainn ma bhuail tachartas ort.
Le taic bho Bhòrd na Gàidhlig, bheir Seachdain na Gàidhlig Tabhartasan Beag gu ruige £500 do dhaoine fa leth, bhuidhnean coimhearsnachd agus gnìomhachasan gus tachartasan a ruith. Dùinidh a’ Mhaoin 31d den Dàmhair 2025 (aig meadhan-oidhche).
Clàraich a-nis airson ar seiseanan-sgoile làitheil an asgaidh do chloinn sgoile aig gach aois, air an lìbhrigeadh leis a’ chraoladair agus an t-seinneadair Joy Dunlop, le geamaichean, òrain, sgeulachdan agus farpaisean-ceist bhon 23 – 27 den Ghearran 2026.
Ionnsaich barrachd mun chuspair againn airson 2026 — (Cleachd i no caill i) —agus mar as urrainn dhut fhèin a dhol an sàs ann an tachartasan a ruith no a fhrithealadh, cuir beagan eòlais air an obair againn, agus coinnich ris an sgioba a tha a’ toirt Seachdain na Gàidhlig beò.
Fàilte gu Seachdain na Gàidhlig 2025!
Tha Seachdain na Gàidhlig 2025 an seo! Thèid barrachd air 150 tachartas a chumail …Read More »
Seachdain na Gàidhlig 2025: Gabh Pàirt! // Get Involved!
Bu mhath leinn cuid de na h-iomairtean a tha mar phàirt de Sheachdain na Gàidhlig …Read More »
A’ sgriosadh nan ròlaistean mun Ghàidhlig: A’ dì-bhreugnachadh fionn-sgeul a’ chrìonaidh
Tha breug-sgeul a’ dol cuairt fhathast gu bheil Gàidhlig a’ faighinn bàs ann an Alba. …Read More »
Là Abairt na Gàidhlig // Say a Gaelic Phrase Day
‘S e Diardaoin 27 Gearran 2025 an ceathramh Là Abairt na Gàidhlig. Tha seo na …Read More »
Seachdain na Gàidhlig airson Sgoiltean // Seachdain na Gàidhlig for Schools
Tha cothrom fhathast ann airson sgoiltean clàradh gus pàirt a ghabhail ann am Prògram nan …Read More »
Cuir Taic Rinn
Airson tuilleadh fiosrachaidh agus gus bruidhinn rinn mu mar a ’s urrainn dhut taic a chur ri Seachdain na Gàidhlig, cuir fios dhan Mhanaidsear Leasachaidh againn, Persephone Nichol-Bose, aig persephone@handsupfortrad.co.uk.
Cuiridh sinn fàilte air taic bho dhaoine air leth, buidhnean agus gnìomhachasan.