Airson Seachdain na Gàidhlig a chur gu dol le brag is sgairt, bidh tachartas anns an GUU dha oileanaich aig a bheil a’ Ghàidhlig, no ùidh innte. Anns a’ mhadainn bidh cothroman ann son beagan craic a ghabhail le aoighean an sàs ann an saoghal na Gàidhlig. Bidh seisean Sgeul is Seanchas ann fo stiùir an Comunn Oiseanach, clas seinn le Alasdair MacIllebhàin, agus cothrom ann beachd is moladh a chur a-steach air mar a bhios sinn a’ leasachadh na Gàidhlig tro UofG Gàidhlig san àm ri teachd. Bidh Radio nan Gàidheal nar cuideachd san fheasgar a’ craoladh beò, is crìochnaichidh sinn le seisean ciùil – mar sin thoir leat ionnsramaid is ur sgamhanan airson ceòl is òrain gu leòr.