*Scroll for English*

Gàidhlig air feadh an t-saoghail is Seachdain na Gàidhlig a’ tilleadh an còigeamh turas

Tillidh Seachdain na Gàidhlig an còigeamh turas eadar 23mh dhen Ghearran is 1ad dhen Mhàrt 2026 agus bheir e cruinn luchd-labhairt is luchd-ionnsachaidh na Gàidhlig eadar ceithir rannan ruadha an t-saoghail mar nach do rinn e a-riamh roimhe, a’ sealltainn dè cho mòr ’s a tha an fhèill oirre air feadh an t-saoghail. 

Eadar coimhearsnachdan air a’ Ghàidhealtachd is cathair Lunnainn agus cho fad air falbh ri Astràilia, thèid an t-seachdain air leth seo a chomharradh air iomadh mòr-thìr, làn-fhianais air dè cho beòthail ’s a tha Gàidhlig na h-Alba.

Bidh prògram beòthail de thachartasan aig Seachdain na Gàidhlig ann an àitichean fad is farsaing agus iomadh roinn-tìde, nas lugha na cola-deug air falbh, agus stèidhichte air a’ chuspair Cleachd i no caill i.

Tha an iomairt airson brosnachadh a thoirt do dhaoine a tha dèidheil air a’ Ghàidhlig a dhol an sàs innte agus a’ togail sluagh-ghairm mhòr a sheallas neart a’ chànain air feadh an t-saoghail.

Am measg brod nan tachartasan tha cruinneachadh air loidhne de Ghàidheil ann an Astràilia, ag innse dhuinn gu bheil gaol air a’ Ghàidhlig fiù air taobh thall na cruinne. Thig daoine ann an Astràilia agus na dùthchannan am fagas cruinn air an eadar-lìon is a’ dol an sàs a’ chànain is a’ chultair le gàire.

Bidh na bùthan-obrach air loidhne ann an dannsa-ceum leis an dannsair-ceum Albannach ainmeil Sophie NicSteafain fosgailte do dhaoine àite sam bith san t-saoghal, cuireadh ion-ghabhalach eadar-nàiseanta a chomharraicheas cultar na Gàidhlig tro ghluasad is ceòl.

Tillidh iomairt fhèillmhor Là Abairt na Gàidhlig Diardaoin an 26mh latha dhen Ghearran agus tha sinn an dùil gun gabh na mìltean de dhaoine pàirt a-rithist sna meadhanan sòisealta air feadh an t-saoghail is iad airson leigeil ris gu bheil gaol aca air a’ Ghàidhlig no feadhainn a tha ag iarraidh blasad dhith.

Bidh iomadh cothrom aig luchd-labhairt, luchd-ionnsachaidh is gràdhaichean na Gàidhlig ann an Lunnainn a dhol an sàs a’ chànain, a’ gabhail a-staigh tron tachartas aig Còisir Lunnainn a tha a’ cur air chois Club Cèilidh Lunnainn ann an Camden agus seirbheis eaglaise ann an Covent Garden.

Air ais ann an Alba, bidh pailteas thachartasan ann an dà chuid dhan fheadhainn aig a bheil agus aig nach eil an cànan. Cluinnear òrain Ghàidhlig leis an t-seinneadair ainmeil Màiri NicGilleBhràith aig The Living Lore ann an Eanstair agus ann an Dùn Èideann bidh Guid Crack: To the Gaels with Love le Caroline NicGilleMhìcheil ag innse seann sgeulachdan Gàidhlig agus oidhche làn bàrdachd is sgeulachdan ann an Dùn Dè, leis an sgrìobhadair is bàrd Gàidhlig Donnchadh MacCàba, sùil air cultar na Gàidhlig tro bhàrdachd is tron chànan labhairte.

Tha iomairt Seachdain na Gàidhlig a’ fàs gach bliadhna. Ann an 2025, thàlaidh còrr is 170 tachartas 40,000 duine o gach ceàrn dhen t-saoghal thuice agus fhuair maoin nan tabhartasan beaga – a chuireas taic ri tachartasan Seachdain na Gàidhlig – barrachd thagraidhean am bliadhna na a-riamh roimhe.

Thuirt Joy Dunlop, Ceannard Seachdain na Gàidhlig: “Cha robh Seachdain na Gàidhlig a-riamh nas cudromaiche no nas eadar-nàiseanta leis gur e 2026 a’ chiad turas a bhios i againn an dèidh dhan Ghàidhlig inbhe cànain oifigeil fhaighinn ann an Alba. Bidh na ceudan de thachartasan a’ dol, aghaidh ri aghaidh agus air loidhne, a’ toirt iomadh cothrom do choimhearsnachdan Gàidhlig air feadh an t-saoghail ceanglaichean a dhèanamh is an cànan a chomharradh. Mar a thig fèis mhòr na bliadhna nas fhaisge, chì sinn gu bheil spèis gun chrìoch aig daoine, eadar bailtean mòra agus clachain bheaga, dhan Ghàidhlig.”

Bidh Seachdain na Gàidhlig 2026 ann eadar 23mh dhen Ghearran is 1ad dhen Mhàrt 2026, le taic Bòrd na Gàidhlig agus Riaghaltas na h-Alba agus fo stiùir buidheann cultar is ceòl tradaiseanta na h-Alba, Hands Up for Trad. Tadhail air seachdainnagaidhlig.scot.

Faodaidh daoine, buidhnean coimhearsnachd is buidhnean eile le comas sam bith de Ghàidhlig gnìomhachdan a chur air chois iad fhèin a bhrosnaicheas an cànan sna coimhearsnachd aca. Faodaidh tu tachartas a chur ri làrach-lìn Seachdain na Gàidhlig an seo: seachdainnagaidhlig.scot.

’S e carthannas cultarach Hands Up for Trad a ruitheas Seachdain na Gàidhlig agus is ann air tabhartasan a thig ar n-obair beò mar sin. Cùm taic ris an iomairt aig seachdainnagaidhlig.scot/support-us.

// 

Gaelic goes global as World Gaelic Week counts down to fifth edition

In a true testament to its growing international appeal, the fifth annual Seachdain na Gàidhlig (World Gaelic Week), running from 23rd February – 1st March 2026, is set to unite Gaelic speakers and learners on a global scale like never before. 

From rural Scottish Highland communities to the city of London, and as far away as Australia, this extraordinary celebration will take centre stage across continents, highlighting the undeniable vitality of the Scottish Gaelic language.

Seachdain na Gàidhlig will showcase a vibrant programme of events in far-flung locations and varying time zones in just over two weeks’ time, centered around the theme Use It or Lose It (Cleachd i no caill i).

The initiative aims to inspire Gaelic enthusiasts everywhere to actively engage with the language and send a powerful message of strength that resonates worldwide.

Highlights include an online gathering for Gaels in Australia, proving that the love for Gaelic stretches halfway around the world. Participants in Australia and neighbouring regions will come together virtually to share language, laughter and culture.

Meanwhile, online step dance workshops led by renowned Scottish step dancer Sophie Stephenson are open to participants on every continent, offering an inclusive, international invitation to celebrate Gaelic culture through movement and music.

The popular Say a Gaelic Phrase Day returns on Thursday 26th February, and is once again expected to engage thousands of digital participants from around the globe who want to share their love of Gaelic, or give it a try, on social media.

Gaelic speakers, learners and lovers in London will have multiple opportunities to connect with the language, including through Còisir Lunnainn (the London Gaelic Choir), who are staging a London Ceilidh Club in Camden, and a Gaelic church service in Covent Garden.

Back in Scotland, a rich variety of events offers something for speakers and non-speakers alike. The Living Lore in Anstruther will shareGaelic song from celebrated singer Mairi McGillivray, Edinburgh’s Guid Crack: To the Gaels with Love event will see storytelling Caroline Carmichael celebrate the rich tales of Gaelic folklore, and an immersive Gaelic Spoken Word Night in Dundee, hosted by Gaelic writer and poet Donnchadh MacCàba, will explore Gaelic culture through poetry and spoken word.

Every year, the World Gaelic Week movement grows stronger. In 2025, more than 170 events attracted 40,000 people from every corner of the world and this year’s Small Grants Fund which supports the staging of Seachdain na Gàidhlig events received a record number of applications.

Joy Dunlop, Director of Seachdain na Gàidhlig, said: “With 2026 marking the first edition since Gaelic became an official language of Scotland, World Gaelic Week has never felt more significant or more international. There are literally hundreds of activities, both in person and online, scheduled to take place, giving Gaelic communities worldwide countless ways to connect and celebrate. As we count down to this year’s landmark celebration, we can see that across the globe, in both bustling cities and close-knit villages, the enthusiasm for the Gaelic language knows no bounds.”

Supported by Bòrd na Gàidhlig and Scottish Government, and spearheaded by Scottish traditional culture and music organisation Hands Up For Trad, Seachdain na Gàidhlig 2026 will take place from 23rd February – 1st March 2026. Visit seachdainnagaidhlig.scot.

Individuals, community groups and organisations with any level of Gaelic can stage their own events or host an activity in their community that promotes the language. Events can be added to the World Gaelic Week website at seachdainnagaidhlig.scot.

Seachdain na Gàidhlig is delivered by cultural charity Hands Up for Trad and donations make their work possible. Support the initiative at seachdainnagaidhlig.scot/support-us.